بالصور والفيديو : الدفاع عن وائل غنيم

Tweet

توضيح صغير لكل اللى بيتكلم و عمال يلك فى الكلام قبل ما يشوف الموضوع لو زى ما بتقولو كدا و لسه مقتنعين انه خاين و عميل يبقى الجيش المصرى هما كمان عملاء للامريكان ليه بقى لانهم سمحوا لنفسهم انهم يعدوا معاه و مع شباب تانين و يسمعوا وجه نظرهم فى التغييرات اللى بيطموحوا فيها و على ما اعتقد و انتوا كلكم تعتقدوا ان الجيش المصرى مش صعب عليه يتحرى عن واحد زى دا من اول ما اتولد لحد ما كان قعد معاهم دا القوات المسلحة يا جماعه مش شوية ناس بتلعب بلاى استشن و يبقى ساعتها تخونونى انا شخصيا و تقوليلى بقبض منه علشان اكتب الموضوع عجيبة الناس يا زمن
و اخيرا انا شاكك ان النظام القديم لسه ايده بتلعب بينا علشان يرجعوا تانى و ربنا يستر وميحققوش اللى نفسهم فيه لانى التخوين فى البلد كتر اليومين دول و ووصل انك ممكن تخون اخوك علشان مرضيش يديك العربيه بتاعته
استغفر الله العظيم

لحد هنا دا كلامى لكن اللى بعد كدا دا مش كلامى دا كلام كتبه الادمن التانى لصفحه وائل غنيم الرسميه يعنى مش انا اللى كاتبةةةةةةةةةةةةة

دا رد الادمن الثانى لجروب وائل غنيم لبعض الاتهامات التى وجهت له الفترة الاخيرة

اولا: الصوره رقم واحد

الصورة اللي انتشرت ويقال فيها ان اللوجو اللي على التيشرت بتاع وائل هو اللوجو الخاص بالماسونية

احب اقولك يا نبيه ياقوي الملاحظة ان اللوجو اللي على التيشرت ده لوجو براند عالمي وده اللينك بتاعه

http://www.giordano-me.com/polo.aspx

ودي الصفحه بتاعته على الفيس

http://www.facebook.com/giordanomiddleeast

أصل ده براند عالمي وللأسف مش موجود منه في مصر وبما ان اغلب القطيع قروى فميعرفش اكيد 

وكمان احب اقولك يابتاع الاجنده ان اللوجو اللي على المبنى ده مش لوجو الماسونيه

وده هو لوجو الماسونيه

وتقدر تعمل سيرش على النت وعلى جوجل او اي محرك بحث

واكتب "masonic"

وشوف اللوجو بتاعها

وممكن تقرأ عنها وكل تفاصيلها في ويكيبيديا

واظن ان اغلب الناس عارفه الموسوعه وده اللينك بتاعها

http://ar.wikipedia.org

اما بالنسبه للوجو اللي على المبنى ده   

ده اللوجو بتاع قناة

MTV

في كندا

اللي هو مقر القناة موجود في المعبد الماسوني

اقرا اللوجو كويس هتلاقي مكتوب عليه

MTV 

ده غير ان اصلا الصورتين يوجد بينهم تشابه وليس تطابق يا قطيع الاجندات  

يعني الصورتين ليس لهم علاقة ببعض

وكمان الشعار اصلا مش شعار الماسونيه

من غير اي اثبات اصلا اي جاهل كان ممكن يشغل مخه

هيقول طيب ليه وائل يفضح نفسه لو هو ماسوني 

ثانيا: الصوره رقم 2 

الحظاظة

اقرأ ياحبيبي وركز

في عام 1994 تم عمل مؤتمر لدعم مرضي السرطان وتم عمل هذه الحظاظات كنوع من التبرع وكان لونها اصفر ومنذ هذا التاريخ صارت كل مجموعة تدعم نشاط اجتماعي معين لها لون خاص فمثلا الاخضر لداعمي البيئة الأزرق لداعمي مرضي سرطان الدم والبنفسجي لداعمي مرضي التوحد(التخلف العقلي)والاسود لمكافحة العنصرية حتي الشواذ لهم حظاظة بالوان قوس قزح وهكذا وهكذا وثمن هذه الحظاظة كان ربع دولار وهي مصنوعة من المطاط ومنتشرة جدا علي مستوي العالم .

برده ارجع اقول اي عيل فاكس كان قال ان نص الشعب لابس حظاظه ومحدش قالهم انتوا عملا  

 ثالثا: ترجمة جوجل الخاطئة

ياجدعان افهموا بقى

ترجمة جوجل قايمه على الاقتراحات

بمعنى ان اي حد ممكن يقترح الترجمه اللي هو عايزها

والدليل على كده انا عايز اي حد يكتب كلمة "moz"

في جوجل ويترجمها ويشوف الترجمه هتطلع ايه

او اكتب اي كلمه من الكلمات بتاعت اسرائيل دي بس اكتب إسرائيل بهمزه الالف "إسرائيل"هتلاقي ان الترجمه هتطلع صح

رابعا: الفيديو اللي بيحتفل بيه وائل مع خالد النبوي

ده واحد مصري عادي جداا, من حقه يفرح ويرقص ويتنطط زي كل الناس اللي نزلت رقصت وفرقعت صواريخ وعملت بيب بييب بالعربيات

ومحدش والنبي يقولي شماته

دي فرحه رجوع الحق لأصحابة

فرحة ظهور العدل

اكيد مفيش حد هيفرح لما مبارك يموت ولا يمرض ولا يتشنق

الناس بس عايزه الحرية وفلوسها ترجعلها

ومش عايزين منه حاجه تانيه وربنا يشفيه ويهديه

وياجماعه انا معرفش وائل غنيم

كل ما يهمنى ان الثوره لا تشوه من قبل بعض الجهلاء المنساقين وراء الاشاعات دون تكلفه انفسهم التحقيق من صحتها

يقول الله تعالى
"{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ } الحجرات6

وهو قال قبل كده

ولا هو بطل

ولا هو متحدث بأسم الشعب

ويوجد كثير من الشباب الاكثر منه لباقه في الحديث والاكثر منه معرفة بالسياسة

فكرة انه خاين او عميل فده حوار مستهلك جدا و كل اللي قاعدين يدوروا على التي شيرت بتاعه و الحظاظة و جوجل و غيره فده كلام ناس فاضية و مش معقول يعني الناس العبقرية اللي بتكتشف الاكتشافات الفظيعة دي ان عبقريتها و قدرتها على الملاحظة تخطت جهاز المخابرات و الجيش و كل الناس و كفاية كل واحد يحاول يعمل فيها المفتش كرومبو

ياريت بس كله الناس تكون عرفت سبب عدم رد وائل على الاتهامات 

• شاهد فيديو حقيقة وائل غنيم

للعلم : جميع الردود الموجودة هنا هي من احد محبي وائل غنيم وليس لوائل غنيم اي رد او تعقيب جاء هنا وقد وجدت هذا الرد في احد المنتديات والا اعلم ما مدي قبولة لدي وائل غنيم مدونة بانوراما